رياضه اللوتس فن القتال المصري

رياضه اللوتس فن القتال المصري فن قتالي مستمد من الاصول الفرعونيه القديمه تم تطويره بواسطه المبتكر صلاح الدين عبد الستار السيد حامد
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 تهنئة خاصة بالمنتدى الجديد الجميل وبالموقع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد متولي_457



المساهمات : 3
تاريخ التسجيل : 05/01/2008

مُساهمةموضوع: تهنئة خاصة بالمنتدى الجديد الجميل وبالموقع   السبت يناير 05, 2008 5:25 pm

السلام عليكم
انا عايز اهنئ القائمين على المنتدى والكابتن صلاح حامد بامنتدى ده وبالموقع على الانترنت
وانا كان عندي شوية انتقادات لملف الفيديو ( هما بصراحة كتير اوي ) وهي انتقادات بناءة مش اقصد بيها اهدم مجهود حد خصوصا ان المجهود ده كنت مشارك فيه في يوم من الايام ، عموما يا كابتن صلاح ربنا يوفقك ولو تحب تسمع الانتقادات ده رد على الرسالة ده وانا ابعتلك رأيي .. ومرة تانية مبروك على الاتحاد وعلى المنتدى وربنا يوفقك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin
avatar

المساهمات : 135
تاريخ التسجيل : 16/11/2007

مُساهمةموضوع: الافاده بالانتقادات   السبت يناير 05, 2008 10:44 pm

ارجو من الاخ محمد متولي المرقم 457 في لعبه اللوتس سابقا في عام 1995 والذي كان له كبير الاثر في تدريب اللوتس في الاسكندريه وايضا له كبير الاثر في هدم اللوتس مع الاخوه المنشقين علي اللوتس في الاعوام المذكوره من عام 1990 حتي عام 2000 له ولهم جزيل الشكر في المساعده في اللوتس في الفتره التي دربتهم فيها ولهم ايضا جزيل الشكر في الفتره التي التاليه لتدريبهم في تدميرهم للعبه في الاسكندريه ورفضهم نشر اللوتس في المحافظات والتاريخ طويل من الغدر والخيانه في كل النواحي .
اتمني ان يفيدني الاخ محمد متولي بانتقاداته ضد مشهد الفيديو الذي لايعجبه كما اتصور .
كما اود ان اذكر الاخ محمد متولي بموضوع التونفا الزان التي قام بتصنيعها في مركز شباب الشلالات والتي كانت اصل المشكله في اللوتس اصلا .

صلاح حامد مبتكر اللوتس
رئيس الاتحاد المصري للوتس تحت التأسيس



وانا ارحب بكل الانتقادات ومره اخري افيد بانه لن يتم شطب اي عضو من المنتدي طالما ان الحوار في حدود الاداب والاخلاق المتعارف عليها .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lotus-martial-art.ahlamontada.com
محمد متولي_457



المساهمات : 3
تاريخ التسجيل : 05/01/2008

مُساهمةموضوع: رد: تهنئة خاصة بالمنتدى الجديد الجميل وبالموقع   السبت يناير 05, 2008 11:54 pm


اولا: حكاية اني ليا كبير الاثر في تدريب اللوتس في اسكندرية ده انا شايف انها اقل مما استحق وانت اكتر واحد عارف كده كويس وانت اكتر واحد عارف احنا اد ايه تعبنا في اللعبة ده وفينا الي ما نجحش في ثانوي علشان كان بيروح يدرب ليله الامتحان اللعبة بتاعتك اللي دلوقتي بتقول عليها بتاعتك بس وقتها احنا كنا حاسسين انها لعبتنا كلنا ، اظن اننا وقتها تعبنا اوي علشان ننشر اللعبة وكان في ناس بتسافر البحيرة وناس بتروح القاهرة صحيح انا ما كنتش منهم بس اعتقد انك كنت ممسكني مسئول محافظة الاسكندرية ومسئول المدربين في محافظة الاسكندرية وكنت بتقول اني احسن واحد لعبت اللعبة ده وازي ما انت فاكر حكاية التونفا الزان انا فاكر كمان انك مرة قارنتني بيحي فوزي مدرب الكونغ فو وقلت اني بلعب التكوينات كويس اوي يمكن احسن ما هو بيلعب الاساليب

ثانيا: انا مش عارف ليه انت بتحسبني ضمن المنشقين عن اللعبة بتاعتك مع اني انا الوحيد اللي ما لعبتش اشتباك ولا مسكت سلاح من ساعة ما مشيت من اللوتس وفي ادلة كتير على كده منها ان مفيش دليل اني لعبة او اتمرنت او عملت اي حاجة ضد اللوتس لاني كنت في وقت من الاوقات بحارب علشانها فمش معقول في يوم وليلة احارب ضدها ، والدليل التاني اني طلعت الاول على دفعتي من بعد ما سبت اللعبة على طول ( الدفعة 6500 بني ادم) ، واعتقد اني لو كنت بخطط وبحارب للعبة اللوتس ماكانش حيبقى عندي وقت اطلع الاول على الدفعة ، زي بالظبط لما كنت بلعب اللوتس ماكانش عندي وقت اذاكر وما جبتش مجموع في ثانوي عام

ثالثاً: انا ما سبتش اللعبة وما انشقتش منها انت اللي قلتلي امشي منها وكنت فاكر اني حرجع تاني ، وكنت بتعمل كده علشان تقول للناس يا جماعة انا مممكن امشي اي حد حتى لو كان المساعد بتاعي ، بس انا ما رجعتش تاني لاني انا وقتها اللي حسيت بالخيانة لاني كنت ببني بيت كبير اوي ولما البيت بقى كبير اتطردت منه علشان كده غيرت الكاريير وركزت اكتر في مستقبلي والحمد لله

رابعاً: انت عندك حق في نقطة واحدة هي اني كنت سبب في انهيار اللعبة بس واضح انك مش فاهم الموضوع مشى ازاي، حقولك يا كابتن صلاح ( انا بقول كابتن لانك في نظري لسة احسن كابتن فعلا وانا بجادلك دلوقتي في حاجات حصلت شخصية وده ما يمنعش ان اللعبة ده أقوى لعبة دفاع عن النفس بتتمارس في مصر دلوقتي) هي الفكرة كلها انك لما قلتلي روح وما تجيش اللعبة ده تاني كان وقتها كل الناس اللي في اللعبة نوعين:
1) النوع الاول : ناس اتدربوا تحت ايدي واتعاملوا معايا وعرفوني واتعلموا مني
2) النوع الثاني : ناس اتدربوا تحت ناس اتدربوا تحت ايدي واتعلموا منهم هما وهما بيدربوهم كلموهم عني
(وده طبعا ما يمنعش ان اي حاجة انا عرفتها وقتها كانت بسببك انت في الاول وفي الاخر وانك انت الاساس بس كل الحكاية اني كنت شاطر شوية وانت اخترتني من المساعدين بتوعك مش علشان سواد عيوني بس علشان انا كنت شاطر)
ولما الناس لقيتك مشيت المساعد بتاعك ( الشاطر ) من غير سبب مقنع سألوا نفسهم طيب هو عمل في محمد متولي كده ، طيب حيعمل معانا احنا ايه ، ( على فكرة انا اكتر واحد لحد ما سبت اللعبة حضر عدد تمرينات واعتقد ان عندك المستندات بتاعت كده واعتقد كمان ان مفيش حد بعد كده حقق عدد التمرينات اللي انا حضرتها ولو حقق عدد التمرينات مش حيكون حقق عدد اللاعبين ولا المستوى المهاري واعتقد انك عارف كده ) والموضوع بدأ من هنا ان الناس اصبحت مش حاسة بالامان وانك خصوصا مشيتني قدام المدربين وقالوا طيب احنا مصيرنا في الاخر حيبقى كده

وعلى فكرة انا الوحيد اللي في لعبة اللوتس اللي ما جبتش لعيبة معايا علشان يلعبوا غير اتنين بس هما اعز اصحابي واعتقد اني انا وهما ما كانش لينا تأثير كبير لان اغلب اللعيبة وقتها كانوا جايين عن طريق ناس تانية وبالأولى ان الناس التانية هي اللي تأثر فيهم مش أنا .

خامساً: اعتقد يا كابتن صلاح انك انت اللي هدمت اللعبة وقتها بإيدك زي ما هدمتها قبل كده اكتر من مرة بإيدك انت برده علشان كنت شايف ان الناس دلوقتي في اللعبة ما ينفعوش يكملوا وهدمتها خالص وقلت تبنيها من الاول تاني وانا اتمنى انك تكون وقفتها على رجلها ويكون معاك دلوقتي ناس احسن من الناس اللي كانوا معاك زمان ( اللي انا منهم )

سادساً: انا اعتذر جدا عن الكلام اللي اتقال ده لانه مش وقته اصلا ولا مكانه بس انت اللي فتتحت الموضوع وقلت اني انا اللي هدمت اللعبة بتاعتك مع ان المفروض اني من الناس القليلين اللي ساعدوك في بناءها والمفروض انك زي ما انت فاكر حكاية التونفا الزان ( اللي بخمسين جنيه اللي عملناها في مركز شباب الشلالات وزعلت اوي ازاي نصرف خمسين جنيه ونعمل التونفا اللي احنا علمتهالنا واحنا بنموت فيها وبنحبها اوي وعملناها بشكل كويس علشان لما نطلع في عروض نظهر بشكل حلو ) المفروض كمان انك تفتكر ان في وقت من الاوقات كان اللعبة فيها اربعة بس هما :
صلاح حامد ، وأنا ، وفتحي ، ونور الصباح
وكنا بنلعب في النادي اللي في محطة الرمل لوحدنا وبدأنا من وقتها واعتقد انك كمان فاكر اني في سنة 1997 كنت بدرب في الصيف في اكتر من 11 نادي في اسكندرية من اصل 13 نادي فيهم لعبة اللوتس
انا بصراحة اتفاجأـ انك بتقول اني من المنشقين اللي سابوا اللعبة وهدموها

سابعاً: انت بتقول اننا رفضنا ندرب في المحافظات بس انا افتكر كده ( لو الذاكرة مش حتخوني ) ان اخر حاجة عملتها في لعبة اللوتس اني اشتركت معاك انت والمساعدين التانيين في دورة اعداد المدربين اللي كنت عاملها يا صلاح للمدربين من المحافظات التانية وكنت جايب مدربين من القاهرة والبحيرة في مركز شباب امبروزوا واقاموا هناك كام يوم وانا فاكر كانت الايام زي ده وكنا في شهر واحد وانت وانا والناس التانية دربناهم يعني محدش رفض يروم المحافظات ولا حاجة

ثامناً: اعتقد انك المفروض بدل ما تتهمني بالانشقاق والكلام الكبير ده انك تشكرني لان لحد دلوقتي بتابع اخبارك وبعمل سيرش عليك على النت وبشوف انت عملت ايه وبشوف الفيديوهات بتاعتك وبقولك رأيي فيها يعني مش بهدم ولا حاجة

تاسعاً: اعتقد اني حتى بعد ما مشيت من لعبة اللوتس كنت بحضر معاك صلاة العيد وكنا بنجهزها سوا وافتكر كمان ان بعد ما مشيت بسنة واحدة بالظبط جيت معاك علشان ننظم صلاة العيد وماكانش في غير انت وتلاتة معاك وانا الرابع وفرشنا الاستاد بتاع نادي الاولمبي كله لوحدنا احنا الخمسة ، أعتقد ان الايام ده ما تتنسيش بس انا مش عارف ليه انت بتشوف الجانب السيئ بس ومش بتحاول تشوف الجانب المضئ
وكمان اعتقد اني قابلتك وقلتلك انا موجود تحت امرك ولو محتاجني في اي حاجة ( طبعا إلا اللعب لإني بطلت لعب من ساعة ما مشيت من اللعبة ) انا موجود

عاشرا وأخيراً:
بعيدا عن كل الكلام اللي انا قلته فإنت من الناس اللي الواحد مش حيقابل زيهم في حياته ده حاجة ، والحاجة الاهم اني اتعلمت منك حاجات كتير جدا كنت محتاج سنين كتير علشان اتعلمها وانا دلوقتي في مركزي وفي وضعي اللي انا فيه يمكن بسبب رئيسي هو انت والحاجات اللي اتعلمتها منك ، وأنا بقدرك جدا كإنسان وكمبتكر وكخبير قتال فياريت ياصلاح تسيب خط صغير كده بينا وما تقتطعهوش بالكلام عن الخيانة وعن الانشقاق لانك اكتر واحد عارف اني مش كده ، ولو فيا حاجة كويسة او فيا حاجة مش كويسة فحتكون الحاجات ده كلها اتعلمتها منك انت مش من حد تاني واعتقد انت فاكر اول يوم جيت فيه لعبة اللوتس كنت مش بتكلم اصلا ومش بعرف اعمل اي حاجة واتعلمت كل المهارات اللي بعرفها في حياتي وانا معاك فياريت تبطل الكلام ده لانه اولا مالوش علاقة بالحقيقية وانت اكيد فاهم غلط وثانيا علشان انا لحد دلوقتي بقدرك لانك صاحب تأثير فيا ومش عايز ده يتغير

وعلى فكرة انا اتمنى انك تمسح الرد بتاعي ده علشان ان مش عايز حد يشوفه غيرك انت ولو مسحته مش حزعل انا بس عايز الرسالة توصلك انت مش توصل للناس اللي بتلعب اللعبة وعلى فكرة من الحاجات اللي مضايقاني بجد اني مش عضو في اللعبة الممتازة ده وربنا يوفقكم وانا برده متابع وموجود ولو في اي حاجة انا تحت أمرك
أما بخصوص الفيديو فلو عايز اعرف رأيي فعلا والانتقادات فممن تقول وانا ابعتهالك علىالايميل او اكتبها هنا
محمد متولي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin
avatar

المساهمات : 135
تاريخ التسجيل : 16/11/2007

مُساهمةموضوع: رد مبتكر اللوتس علي العضو محمد متولي   الإثنين يناير 07, 2008 2:13 am

اخي العزيز محمد متولي

بالنسبه لما قلته بشأن نشاطك السابق في لعبه اللوتس في الاسكندريه في الفتره من 1995 الي عام 2000 فهو رايك الخاص به الكثير من الصواب بناءا علي رايك انت ولكن في الخلفيه كانت هناك بعض الحقائق التي تنكرها علي نفسك فكيف تعلنها في المنتدي او بعني كل انسان عند نفسه الملاك المظلوم وفي النهايه صلاح حامد هو الدكتاتور صاحب اللوتس وان اللوتس هذه ملك له وليست ملك لمصر او المصريين او الممارسين لها .
في النهايه لا تعليق علي ما قلت والمنتدي يقبل كل الاراء طالما في حدود القواعد والاصول والاخلاق.

وبالنسبه لرايك في الفيديو انتا لك مطلق الحريه سواء اعلنت عنه في المنتدي او ارسلته بصوره شخصيه.

صلاح حامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lotus-martial-art.ahlamontada.com
 
تهنئة خاصة بالمنتدى الجديد الجميل وبالموقع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رياضه اللوتس فن القتال المصري :: مستويات اللوتس :: المستوي الرابع - الاشتباك بالاسلحه-
انتقل الى: